Latest Post
युरिक एसिड हुने कारण र बच्ने ८ उपाय
युरिक एसिड रगतमा नभई नहुने महत्वपूर्ण तत्व हो। यसले शरीरमा 'एन्टी अक्सिडेन्ट'को काम गर्छ। तर, युरिक एसिडको मात्रा चाहिनेभन्दा बढी भएमा यसले जोर्नीहरुमा समस्या ल्याउँछ र 'गाउट' भन्ने रोग लाग्छ। युरिक एसिडलाई एक प्रकारको बाथरोगका रुपमा बुझ्न सकिन्छ। यसले जोर्नीहरुमा अत्याधिक दुखाइ गराउँछ। रगतमा युरिक एसिड बन्ने र युरिक एसिड पिसाबबाट बाहिर निस्किने प्रक्रियामा गडबडी भयो भने रगतमा पर्याप्त मात्रामा युरिक एसिड घुल्न पाउँदैन र विस्तारै गाउटको रुप लिन्छ। एउटा स्वस्थ मानिसमा युरिक एसिडको मात्रा ६ दशमलब ८ एमजी/डिएल हुनुपर्छ। जसलाई गाउट वा युरिक एसिडको समस्या छ त्यस्ता व्यक्तिमा युरिक एसिडको मात्रा ५ एमजी/डिएलभन्दा कम राख्नुपर्ने हुन्छ।
कुनै व्यक्तिमा युरिक एसिड बढी देखिए पनि जोर्नीको दुखाइ नहुन सक्छ। यस्ता व्यक्तिलाई गाउट नभएर 'हाइपरयुरेसिमिया' भएको हुन सक्छ। त्यसले जोर्नीमा असर गर्दैन। जसलाई युरिक एसिड भएकै कारण जोर्नी (खुट्टाको बुढी औँला र आसपास) मा दुख्छ, त्यो गाउट हो भनेर बुझ्नुपर्छ। युरिक एसिडबाट हुने बाथरोग नै गाउट हो। यो वंशाणुगत समस्या पनि हुन्छ। यसलाई दुई तरिकाले हेर्न सकिन्छ।
दीर्घकालीन गाउट:
यो कडा खालको जोर्नी दुख्ने समस्या हो। लामो समयसम्म युरिक एसिडको समस्या हुनेहरु दीर्घकालीन गाउटका बिरामी हुन्। यस्तो अवस्थाका बिरामीलाई औषधि खाँदा केही समय निको हुने र पछि फेरि बल्झिने र जोर्नीहरुमा अत्याधिक दुखाइ हुने गर्छ। प्रायःजसो ६ महिना वा वर्ष दिनभन्दा बढी युरिक एसिडको समस्या भएकाहरुलाई गाउटको दीर्घरोगीका रुपमा लिन सकिन्छ। यस्तो समस्या भएकाहरुमा दुखेको जोर्नी माथिबाट 'टोफाइ' भन्ने सानो कमलो मासुको डल्लो जस्तो देखा पर्छ। यस्तो समस्या भएकालाई खुट्टाको बुढी औँला र आसपासमा मात्र होइन शरीरका अन्य जोर्नीमा पनि दुखेको महसुस हुन्छ।
एक्युट:
तुरुन्तै खुट्टाका जोर्नीहरु रातो भएर सुन्निनु वा अचानक दुख्नु एक्युटको लक्षण हो। छुँदा पनि दुख्ने र हिँड्न असहज हुने यस्तो समस्या भएकाहरुले औषधि खाँदा वा खानपिनमा नियन्त्रण गर्दा सन्चो हुन्छ। यो समस्या मध्यपान र धूमपान गर्नेलाई बढी देखिन्छ।
सामान्यतया जोर्नी दुख्दैमा गाउट भएको भन्न मिल्दैन। जोर्नी दुख्ने विभिन्न कारण हुन्छन्। गाउट भए/नभएको जान्नका लागि जोर्नी दुखेको वा सुन्निएको ठाँउबाट पानी झिकेर जाँच गराउनुपर्छ। जाँच गराउँदा जोर्नीहरुमा सुइको टुप्पो जस्तो आकार भएका साना-साना 'क्रिस्टल'हरु देखा परेपछि गाउट भएको थाहा पाउन सकिन्छ।
कसरी हुन्छ युरिक एसिड?
युरिक एसिड पहिलो पटक खुट्टाको बुढी औँला र त्यसको आसपासको जोर्नीहरुबाट दुख्न सुरु हुन्छ। यसलाई 'मेटाटार्सल जोइन्ट' भनिन्छ। प्रायः राति सुतेको बेला जोर्नीहरु अत्याधिक दुख्ने गर्छ र बिहान उठ्दा सुन्निएको हुन्छ। सुरुसुरुमा खुट्टाको बुढी औँलामा मात्र हुने दुखाइ समयमा उपचार नहुँदा अन्य ठूला जोर्नीहरुमा पनि सर्न थाल्छ। युरिक एसिड भएको थाहा नपाएकाहरुलाई रातो मासुको अधिक प्रयोग र मध्यपान सेवन गर्दा एक्कासी बुढी औँलाको जोर्नी सुन्निने र दुख्ने समस्या आउँछ। युरिक एसिडको समस्या महिनावारी नरोकिएका महिलालाई भने निकै कम मात्रामा देखिन्छ। महिनावारी हुँदा निस्कने हर्मोनले जोर्नी दुख्ने समस्यालाई कम गराउँछ।
खाना पूरै बार्नेभन्दा सन्तुलित भोजन जरुरी
युरिक एसिडको समस्या भएकाहरुलाई प्रायः मुख बार्नुपर्छ भनेर बुझाइन्छ र अधिकांशले त्यसै गर्छन्। तर, यो बुझाइ नै गलत छ। युरिक एसिडको समस्या भएकाहरुले गेडागुडी, रातोमासु, काउली खानै नहुने होइन, खान सक्छन् तर त्यसको मात्रा मिलाएर खान सक्नुपर्छ। एकैचोटि धेरै होइन कि थोरै-थोरै गरेर खान सकिन्छ। यस्तै, चिकित्सकको परामर्श अनुसार औषधिको नियमित प्रयोग गरेमा खाना बार्नुपर्दैन। तर, यस्तो समस्या भएकाहरुले धूमपान र मध्यपान भने गर्नु हुँदैन। अमिलो हालेको, खाँदेको वा गालेको अचार, तामा जस्ता खानेकुरा चाहिँ बार्नुपर्छ।
यस्ता खानेकुराले युरिक एसिडको दर बढाउँछ। युरिक एसिड 'प्युरिन मेटाबोलिजम'को गडबडीले हुने भएकाले प्युरिन तत्व भएका खानेकुरा (जस्तै: फूलगोभी, च्याउ, पालुङ्गो, गेडागुडी आदि) कम खानुपर्छ। यस्तै, गुलियो पदार्थले पनि युरिक एसिड बढाउँछ। यस्तै, सामुद्रिक खानाले पनि युरिक एसिडको मात्रा बढाउँछ। क्यान्सर र पिसाब लगाउने औषधिको अत्याधिक प्रयोगले पनि युरिक एसिडको मात्रा ह्वात्तै बढाउँछ।
युरिक एसिडको समस्या भएका वा गाउटका बिरामीले दूधजन्य पदार्थ भने ढुक्कले खाँदा हुन्छ। यस्ता पदार्थले कुनै बिगार गर्दैन। युरिक एसिडको समस्या प्रायः ३० वर्ष नाघेकाहरुमा बढी देखिन्छ। क्यान्सर, मुटुरोग र मिर्गौला रोगीहरुमा युरिक एसिडको समस्या आउन सक्छ। ट्युमरका कोषहरु टुक्रेर पनि युरिक एसिड बन्छ। त्यस्तै उच्च रक्तचाप चिनीरोग र मोटोपना धेरै भएकाहरुमा पनि युरिक एसिडको समस्या आउन सक्छ। एकचोटि युरिक एसिडले दुखेको जोर्नी फेरि नदुख्न पनि सक्छ तर प्रायः दुईदेखि ६ महिनाभित्रमा फेरि दुखाइ सुरु हुन्छ।
लक्षण
- खुट्टाको बुढी औँला र आसपासका जोर्नीहरु सुन्निनु।
- जोर्नी राति बढी दुख्नु।
- दुखाइ सहनै नसक्ने हुनु।
- लामो सयम युरिक एसिडको समस्या भएकालाई घुँडा, कुइनो लगायतका जोर्नीहरुमा पनि दुख्नु।
- ज्वरो आउनु, आदि।
असर
युरिक एसिड बढेमा वा गाउटको समयमै उपचार नभएमा मिर्गौलामा असर पार्न सक्छ। यसले मिर्गौला फेल बनाउन सक्छ र मिर्गौलामा पत्थरी हुनसक्छ। गाउटले जोर्नीहरुमा 'डिफर्मेसन' (जस्तैः खुट्टाको बुढी औँला र जोर्नीहरुको आकार वा स्वरुप बिग्रनु) ल्यादिन्छ। युरिक एसिडले विस्तारै मुटुमा पनि असर पुर्याउँछ। यस्तै, शरीरका विभिन्न अंगमा जटिल समस्या ल्याइदिन सक्छ।
बच्ने उपाय
१. नियमित व्यायम गर्ने।
२. पर्याप्त मात्रामा पानी पिउने। तर, मुटुका बिरामीले भने पानीको मात्रा चिकित्सकको सल्लाह अनुसार पिउनुपर्छ।
३. धूमपान र मध्यपानबाट टाढै बस्ने।
४. प्युरिन तत्व बढी हुने रातो मासु, गेडागुडी, गालेको अचार, फुलगोभी, च्याउ, पालुङ्गोको सेवन कम गर्ने।
५. गुलियो पदार्थ वा यस्ता अन्य पेय पदार्थको प्रयोग कम गर्ने।
६. शरीरको वजन घटाउने।
७. नियमित औषधिको प्रयोग गर्ने।
८. समय-समयमा चिकित्सकको परामर्श लिने।
श्रीमानले खन्याए श्रीमतीको अनुहारमा तातो तेल
दोलखा नम्दुकी उर्मिला तामाङ पति हिंसाबाट घाइते अवस्थामा । तस्बिर: उर्मिलाको दाजु अमित तामाङ तेल अनुहारभरी परेपछि आँखा नै नदेख्नेगरी जलन भएर भाग्दा पनि श्रीमान कुमार तामाङले तलाई आगो लगाउछु भन्दै लखेटेपछि हारगुहार गरेँ ।,’ ३४ बर्षया उर्मिलाले रुदै भनिन, ‘ममाथि अन्याय भयो, न्याय पाउँ ।’ जेष्ठ २५, २०७४ ‘दिनभरी मेलामा काम गरेर थाकेकाले मासु खान मन लाग्यो । १३ बर्षका कान्छा छोराले खुसी हुँदै बजारबाट मासु लिएर आयो ।
कराइमा तेल तात्दै थियो, म प्याज काट्दै थिएँ । श्रीमानले एक्कासी तातो तेल अनुहारमा खनाइदियो ।’ दोलखास्थित बैत्यश्वर गाउँपालिका— ६ नाम्दूकी उर्मिला तामाङले काठमाडौंस्थित टिचिङ अस्पतालको प्लास्टिक सर्जरी ३७ नम्बर शैयाबाट फोनमार्फत भनिन् । ‘तेल अनुहारभरी परेपछि आँखा नै नदेख्नेगरी जलन भएर भाग्दा पनि श्रीमान कुमार तामाङले तलाई आगो लगाउछु भन्दै लखेटेपछि हारगुहार गरेँ ।,’ ३४ बर्षया उर्मिलाले रुदै भनिन, ‘ममाथि अन्याय भयो, न्याय पाउँ ।’
मंगलबार घटना हुनेबित्तिकै प्रहरी पुग्दा आरोपी ३९ बर्षिय कुमार फरार भएको दोलखा प्रहरीका सूचना अधिकारी प्रेमसागर केसीले बताउनुभयो । उहाँकाअनुसार गत मंगलबार भएको महिला हिंसाको घटनापछि आरोपीको खोजीमा प्रहरी परिचालन गरिएको छ । उजुरी परेपछि घटनालाई संवेदनशील सूचीमा राखेर अनुसन्धान गरिरहेको उहाँले जानकारी दिनुभयो । मंगलबार राती ८ बजे भएको घटनापछि देवरले मोटरसाइकलमा हालेर घाइते उर्मिलालाई काब्रे मैनापोखरीस्थित अस्पताल लगेका थिए । उर्मिलाको दाजु अमित तामाङले भने, ‘घाइते बहिनी उर्मिलालाई बुधबार उपचारका लागि काठमाडौं ल्याइएको हो ।
अनुहार, आखाँ, जिब्रो, दाहिने पाखुरा र ढाडमा तातो तेलले पोलेको डाहाले उनी राम्रोसँग बोल्न सक्दिनन् ।’ जेठा १७ बर्ष, माइला १३ बर्ष र ९ बर्षकी छोरीकी आमा उर्मिलालाई यसअघि पनि दुईपटक कुमारले हिंसा गरेको आरोप छ । ‘केही बर्षअघि मोबाइलमा घन्टी बजेपछि कसको ‘मिसकल’ आयो भन्दै कुट्दै लगाइराखेको लुगा सबै च्यातेर बेइजतीपूर्वक घरबाट निकालिदियो,’ उर्मिलाले भनिन, ‘त्यसबेला पनि छिमेकीले आश्रय दिएपछि ज्यान बँचेको र लाज ढाक्ने मौका पाएकी थिएँ ।’
केहीसमय अघि बनमा दाउरा लिन को जाने भन्ने झगडामा पनि कपालको रौं नै उखेलिने गरी भुत्ल्याउदै कुटपीटि गरेको पनि सहेकी उनले सुनाइन् । मदिरा सेवन गरेर आयो की आरोप लगाउँदै कुटपीट गर्ने गरेको उनीको आरोप छ । उपचारमा सहयोग गरिरहेका अमित तामाङले बहिनी उर्मिलाले बारम्बार श्रीमानको कुटाइबाट ज्यान बचाँउन मुस्किल भो भनेर फोन गरेको बताए । ‘छोराछोरीको मुख हेरेर घर सम्हाल्नु भन्यौ, त अहिले झण्डै बहिनीको ज्यान नै गयो,’ उनले घाइते बहिनीको उपचार घटनाको यथार्थ बुझी कारबाहीको व्यवस्था हुनुपर्ने बताए । कान्तिपुरबाट
कारमा आएका अपहरणकारीद्वारा २ स्कुले बालक अपहरित
नवलपरासी । नवलपरासीमा अज्ञात समुहले २ बालकको अपरहण गरेको छ । रामग्राम-४ बैरिहवा घर भएका १५ वर्षीय दिपेन्द्र सहानी र १६ वर्षीय मोहन हरिजनलाई अज्ञात समुहले अपहरण गरेर बेपत्ता पारेको छ ।
उनीहरु सोहि ठाउँमा रहेको हिलोरियस चिल्ड्रेन एकेडेमी स्कुलमा कक्षा-८ मा अध्ययनरत थिए । स्कुलबाट घर फर्कने क्रममा उनीहरुको अपहरण भएको प्रहरीले जनाएको छ । नम्बर नखुलेको कालो कारमा राखेर उनीहरुको अपहरण गरिएको स्थानीयको भनाई छ ।
अपहरणकारीले मुखमा कालो पट्टि बाँधेकाले चिन्न नसकिएको स्थानीयले बताएका छन् । प्रहरीले घटना थाहा पाउना साथ अपहरणकारीको खोजी कार्य जारी राखेपनि अहिलेसम्म कुनै पत्तो लाग्न सकेको छैन । घटना पश्चात नवलपरासी प्रहरीले राजमार्ग र भित्रि सडकहरुमा सुरक्षा चेकिङ कडाई गरेको जनाएको छ ।
हतियार सहित नेपाल आएका भारतीय प्रहरीलाई सम्मान साथ छाडियो - भिडीयो हेर्नुहोस्
डोटीका लालबहादुर आउजीलाई अपहरण गर्ने भारतीय प्रहरीहरुलाई कुनै कारबाही नगरी भारतको जिम्मा लगाइएको छ ।
बिना इजाजत नेपाल आएका उनीहरुले बुधबार मध्यरातमा दिपायल सिलगढी नगरपालिका ८ लडागडाका लालबहादुर आउजीलाई अपहरण गरेका थिए ।
उनिहरुलाई प्रहरीले पक्राउ गरेपनि भारतीय प्रहरी अधिकारी डिएसपी नाग राजसहित नेतृत्वमा रहेको पुष्टि भएपछि उनीहरुलाई प्रहरीले सम्मानपूर्वक भारतीय प्रहरीको जिम्मा लगाएर पठाएको प्रहरीले जनाएको छ ।
बिना इजाजत नेपाल आएका उनीहरुले बुधबार मध्यरातमा दिपायल सिलगढी नगरपालिका ८ लडागडाका लालबहादुर आउजीलाई अपहरण गरेका थिए ।
उनिहरुलाई प्रहरीले पक्राउ गरेपनि भारतीय प्रहरी अधिकारी डिएसपी नाग राजसहित नेतृत्वमा रहेको पुष्टि भएपछि उनीहरुलाई प्रहरीले सम्मानपूर्वक भारतीय प्रहरीको जिम्मा लगाएर पठाएको प्रहरीले जनाएको छ ।
यस अघि पनि नेपालका विभीन्न भागमा हतीयारसहीत भारतीय प्रहरी छिरेर नेपालीहरुलाई दुख दिएपनि नेपाल सरकारले भने त्यसै छाड्ने गरेको छ ।
MKRdezign
Blogger द्वारा संचालित.