धादिङ्गको सिम्लेमा यात्रुबाहक माईक्रोबसले ठक्कर दिँदा २ जनाको मृत्यु भएको छ भने १ जना घाइते भएका छन् ।
बुटवलबाट राजधानी जाँदै गरेको लु १ प २६७४ नम्बरको माइक्रोले पृथ्वी राजमार्ग अन्तर्गत धादिङको सिम्लेमा बटुवालाई ठक्कर दिँदा दुई जनाको मृत्यु भएको हो ।
अधिक गतिमा रहेको माइक्रोले बाटोमा हिँडिरहेकी थाक्रे गाउँपालिका–२ सिम्ले बस्ने बन्दना परियारलाई ठक्कर दिएको थियो । माइक्रोको ठक्करले परियारको घटनास्थलमै मृत्यु भएको थियो ।
यसैगरी घाइते भएकी गंगा थापाको पनि उपचारको लागि काठमाडौं लैजाँदै गर्दा बाटैमा मृत्यु भएको नौविसे प्रहरीले बताएको छ । घाइते सुष्मा थापालाई उपचारको लागि राजधानीको नर्भिक अस्पताल लगिँदै छ ।
ठक्करपछि उत्तेजित भीडले चालकसहित माइक्रोलाई आगजनीको प्रयास गरेका थिए । तर प्रहरीले चालकलाई बाहिर निकालेको थियो । स्थानिय प्रहरी कार्यालयका प्रहरी नायव निरीक्षक भरत दुराले आक्रोशित स्थानीयले पैदल यात्रीलाई ठक्कर दिने माईक्रो जलाइदिएको बताएका छन् । आक्रोशित स्थानीयले अहिले राजमार्ग अवरुद्ध गरेका छन् ।
एक टिप्पणी भेजें